rajamo
। । । । । । । । ताजा सामाचार
वक्तब्यहरु

राष्ट्रिय जनमोर्चा
National People’s Front
केन्द्रीय कार्यालय/Central Office

        बुढानिलकण्ठ न= पा= १०, ज्योतिनगर, कपन, काठमाडौं

Phone : 01-4164304, Email : rajamo2052@gmail.com,  Web : www.rajamo.org


मिति २०७४ असोज ८ गते  
प्रेस वक्तव्य
१. राष्ट्रिय जनमोर्चा केन्द्रीय समितिको बैठक ०७४ असोज ७ र ८ गते केन्द्रीय कार्यालय काठमाडौंमा बस्यो । यो बैठक मुख्यतः आगामी प्रदेश सभा तथा प्रतिनिधि सभा सदस्यको निर्वाचनको विषयमा बसेको हो । बैठकले “गणतन्त्र र राष्ट्रियताको रक्षा गरौं, संवृद्ध नेपालको निर्माण गरौं” भन्ने मूल नाराका साथ यस निर्वाचनमा भाग लिने निर्णय गरेको छ । बैठकले निर्वाचन र अन्य कतिपय विषयहरुमा पनि महत्वपूर्ण निर्णयहरु गरेको छ । ती निर्णयहरु सार्वजनिक गर्न यो प्रेस वक्तव्य जारी गरिएको छ । 
२. प्रदेश सभा तथा प्रतिनिधि सभा निर्वाचनको लागि अध्यक्ष चित्रबहादुर के.सी.को संयोजकत्वमा संसदीय बोर्डको गठन भएको छ । सदस्यहरुमा रश्मीराज नेपाली, दुर्गा पौडेल, जनकराज शर्मा, हिमलाल पुरी, मनोज भट्ट र कृष्ण खड्का रहनुभएको छ । चित्रबहादुर के.सी.कै संयोजकत्वमा निर्वाचन परिचालन मूल समिति गठन भएको छ । सदस्यहरुमा रश्मीराज नेपाली, जनकराज शर्मा, हिमलाल पुरी, मनोज भट्ट, लालबहादुर थापा र घनश्याम न्यौपाने रहनुभएको छ । 
कार्यकारी अध्यक्ष रश्मीराज नेपालीको संयोजकत्वमा निर्वाचन प्रचार समिति गठन भएको छ । सदस्यहरुमा जनकराज शर्मा, बोमबहादुर खत्री, नन्दराज भट्ट, चिन्तामणी शर्मा, राजाराम चौधरी, रत्नविक्रम प्यासी, चन्द्रबहादुर के.सी. (पोखरा), हरिकान्त शर्मा, कर्ण थापा, तारा पौडेल र कमला जि.सी. रहनुभएको छ ।
सचिव हिमलाल पुरीको संयोजकत्वमा आर्थिक समिति गठन भएको छ । सदस्यहरुमा घनश्याम न्यौपाने, लालबहादुर थापा, बद्रे आलम, चन्द्रबहादुर के.सी.(पोखरा), लोकेन्द्र लम्साल, मनोज भट्ट, आरवी फु“याल र चिन्तामणी शर्मा रहनुभएको छ ।
सदस्य मनोज भट्टको संयोजकत्वमा निर्वाचन घोषणापत्र मस्यौदा समिति गठन भएको छ । सदस्यहरुमा हिमलाल पुरी र बासुदेव पोखरेल रहनुभएको छ ।
त्यस्तै प्रदेश स्तरमा पनि निर्वाचन परिचालन समितिहरु गठन भएका छन् । प्रदेश नं. १ मा हरिकान्त शर्मा, प्रदेश नं. २ मा चिन्तामणि शर्मा, प्रदेश नं. ३ मा लालबहादुर थापा, प्रदेश नं. ४ मा शंकर बराल, प्रदेश नं. ५ मा कृष्ण खड्का, प्रदेश नं. ६ मा रत्नविक्रम प्यासी र प्रदेश नं. ७ मा नन्दराज भट्टको संयोजकत्वमा प्रदेश स्तरीय निर्वाचन परिचालन समितिहरु गठन भएका छन् ।
३. अध्यक्ष चित्रबहादुर के.सी. प्रतिनिधि सभा सदस्यको समानुपातिक निर्वाचन प्रणाली तर्फबाट उमेदवार हुनु हुनेछ । बाग्लुङ र प्यूठान जिल्लाका प्रत्यक्ष तर्फका दुई उमेदवारहरु ठेगान भएका छन् । बाग्लुङ प्रतिनिधि सभा निर्वाचन क्षेत्र १ मा अमर थापा र प्यूठान प्रतिनिधि सभा सदस्यमा दुर्गा पौडेल उमेदवार हुने ठेगान भएको छ । अन्य स्थानका प्रत्यक्ष तर्फ र समानुपातिक तर्फका उमेदवारहरु पछि सार्वजनिक गरिने छ ।
४. यस निर्वाचनमा अन्य पक्षहरुस“ग चुनावी तालमेल वा कार्यगत एकता पहिलेको नीति अनुसार नै गर्ने नीति हुनेछ ।
५. प्रदेश नं. २ को स्थानीय तहको निर्वाचन शान्तिपूर्ण प्रकारले ठूलो जनसहभागिताका साथ सम्पन्न भएको छ । त्यसलाई हामीले स्वागत गर्दछौं । तर उक्त निर्वाचन स्वच्छ प्रकारले भएन । निर्वाचन आचार संहिताको व्यापक उल्लंघन भयो । सत्ता र पैसाको अत्यन्त धेरै दुरुपायोग भयो । सरकारले सबभन्दा बढी आचार संहिताको उल्लंघन गर्यो । 
एकै चरणमा सम्पन्न हुन सक्ने निर्वाचनलाई ३ चरणमा गरेर अरबौं रुपैया बढी खर्च भयो, सत्ता र समयको दुरुपयोग भयो, जनतालाई अनावश्यक बोझ बोक्नु प¥यो । यसरी निर्वाचनलाई विभिन्न चरणमा गर्न भारतीय विस्तारवाद, राजपा, ने.का. र माओवादी केन्द्रको भूमिका छ । उनीहरुको नीति सही थिएन भन्ने कुरा यो निर्वाचनले स्पष्ट गरेको छ । पटक पटक मन्त्रीमण्डलको विस्तार भयो । कर्मचारीहरु सरुवा गरिए । यस प्रकारको प्रवृत्तिले देशमा जनतन्त्र, गणतन्त्र, राष्ट्रियता र धर्म निरपेक्षताको भविष्य गम्भीर खतरामा परेको छ । 
६. कतिपय प्रदेशहरुको राजधानी राख्ने ठाउ“को विषयमा विवादहरु देखा परेका छन् । यस विषयमा विवादित प्रदेशहरुमा अधिकार सम्पन्न प्रादेशिक राजधानी निर्धारण गर्न आयोग बनाएर त्यसको सुझाव अनुसार राजधानी निर्धारण गर्नु पर्दछ । 
अन्तमा, राष्ट्रिय जनमोर्चाका उमेदवारहरुलाई विजयी बनाउन बैठकले सम्पूर्ण जनतास“ग हार्दिक अपील गर्दछ । 

चित्रबहादुर के.सी.
अध्यक्ष
फर्कनुहोस्

अन्य समाचार
मिति ः २०२६, पौष १७, विहीवार मिति ः २०२६, पौष १७, विहीवार मिति ः २०२६, पौष १७, विहीवार मिति ः २०२६, पौष १७, विहीवार मिति ः २०२६, पौष १७, विहीवार
अडियो / भिडीयो
Interviewमिति २०६७, श्रावण १९, मंगलवार
अल्बुम
तेस्राे राष्टि्य सम्मेलनमिति ः २०७२, फाल्गुन १९, बुधवार राजमोको राष्ट्रिय प्रचारात्मक अभियानमिति ः २०७०, भाद्र १७, सोमवार विरोध सभामिति ः २०६९, म‌सिर २७, बुधवार फागुन ५ गतेको काठमाण्डौको कार्यक्रममिति ः २०७२, चैत्र २६, शुक्रवार दोस्रो राष्ट्रिय सम्मेलन, पोखरामिति ः २०७२, चैत्र २६, शुक्रवार
पार्टीको परिचय ईतिहास केन्द्रिय नेतृत्व घोषणापत्र / बिधान ब्यक्तब्यहरू सहिदका फोटाहरू आर्किभ
सर्वाधिकार राजमो डट ओ. आर. जी. मा सुरक्षित रहनेछ ।
वेबसाइट बनाउनेbestnepal